वसन्त वयस्क भएको मास शरदको असोज कवि भुवन सिग्देल

Share on facebook
Share on twitter
Share on linkedin
Share on pinterest

अपूर्व असोज


छिचोली तातो उष्ण बहेको पवन सिरसिरे
बढारी अशुभ्र निशा खुलेको रश्मि मिरमिरे
राखेर पवित्र मंजिल झरेको शीत फिरफिरे
पार्दै चम्किलो अधर उदाए तारा झिलमिले
[१].
संग्लेर भेल बाढी सरीता निर्मल खलखली
नमानी पीर चिन्ता उड्छ चिडिया सलसली
उचो आशा उमिदले बढ्दै पालुवा हलहली
उपकार भाव:ले रेशा जोड्दै रेशम मलमली
[२].
श्याम निशि बढार्दै जूनका किरण टहटह
शिशु खुसीमा रम्दै मच्चिए पिंगमा चहचह
सयपत्री-फूल फक्रेर बाग बसायो मगमग
धानका बाला पुष्टिए झुले खेतमा लहलह
[३].
गोधुलीमा सप्तरंगी ईन्द्रेणीले सजिईन् धरा
देऊडाका पारखीझैं नाचे गगनमा मालचरा
जल स्थल नभ सिंगारगर्दै उदाए शुक्रतारा
नव-रात्रीको रमझममा हर्षिए दुनिया सारा
[४].
तमसमा चारै दिशामा बले रोशन दीप बत्ति
घर लिप पोतगर्न गृहिणी पीर नमान्ने कत्ति
चर्मप्रिय तापमा ओर्लिए प्रज्वल सूर्यशक्ति
स्वच्छ सफा हुन हिचकिचाउन्नन् धर्ति रत्ति
[५].
मौसम अब्बल श्रेष्ठ ऋृतु बटुक पंथीको रोज
न गर्मि जाडो न त झरी-बादल वर्षाको बोझ
बाह्र पुष्पवाटीकामा कलित कुसुमाकर ओज
बसन्त वयस्क भएको मास शरदको ‘असोज’
[६].
✍️शब्द रचना:
भुवनप्रसाद सिग्देल
दिनांक: २०७९ साल असोज ३१ गते सोमवार ।

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...