नवलपुर,
स्थानीय तहको निर्वाचनका लागि नवलपुरको पहाडी क्षेत्र अन्र्तगत पर्ने बौदिकाली गाउँपालिकामा नेकपा एमालेले सर्वसम्मत रुपमा उम्मेदवारको नाम सिफारीस गरेको छ । गाउँपालिका अध्यक्षमा प्रकाश ओझा र उपाध्यक्षमा डिल कुमारी सारुलाई सर्वसम्मत सिफारीस गरिएको हो ।
गाउँपालिका भित्रका केही वडामा समेत उम्मेदवारको नाम सर्वसम्मत सिफारीस गरिएको छ । जस अन्र्तगत वडा नम्बर १ मिथुकरममा अनिल थापा, वडा नम्बर २ डेढगाउँमा श्यामसुन्दर श्रेष्ठ, वडा नम्बर ४ रुचाङमा मोहन थापा, वडा नम्बर ५ बबकमा खिम बहादुर थापा खरु वडा अध्यक्षको उम्मेदवारमा सिफारिस गरिएको छ ।
वडा नम्बर ३ रकुवा र वडा नम्बर ६ नरमको छलफल भईरहेको र यी दुई वडाको छनोट भएपछि आगामी बैठकमा सर्वसम्मत नाम सिफारिस गरिने नेकपा एमाले बौदीकाली गाउँपालिकाले जनाएको छ ।
