देवचुली,
राष्ट्रिय प्रजातन्त्र पार्टी भोट माग्न भन्दा पनि देश बचाउँनको लागि गाउँगाउँमा गुहार माग्दै हिँडेको राष्ट्रिय प्रजातन्त्र पार्टीका नेता विक्रम पाण्डेले बताएका छन् ।
मंगलबार देवचुली नगरपालिकाको पृथ्वीनगरमा सम्बोधन गर्दै पाण्डेले देश बचाउने अभियानमा राष्ट्रिय प्रजातन्त्र पार्टी लागेको बताएका हुन् ।
आगामी बैशाख ३० गते हुने स्थानीय तहको निर्वाचनका लागि देवचुलीबाट विभिन्न पदमा उम्मेदवारी दिएका उम्मेदवारहरुको साथ दिनका लागि पाण्डे देवचुली आएका हुन् ।
पाण्डेले राष्ट्रिय प्रजातन्त्र पार्टीले अब देशको मुहार फेर्ने बताएका थिए ।
उनले राष्ट्रिय प्रजातन्त्र पार्टी भोट माग्न भन्दा पनि देश बचाउँनको लागि गुहार माग्दै हिँडेको बताएका छन् ।
उनले वडा नं १० बाट राष्ट्रिय प्रजातन्त्र पार्टीबाट उम्मेदवारी दिएका उम्मेदवार विजयी भए यहाँ रहेका मगर जातीलाई संरक्षण गर्न मगर संग्रालय निर्माण गर्न सहयोग गर्ने बताएका थिए ।
