काठमाण्डौं । काठमाण्डौंको होटल कोहिनुर बाट २ लाख बराबरको उधारो खाएर लुम बहादुर घिमिरे नाम गरेका ब्यक्ती फरार भएका छन । गुल्मी घर भएका घिमिरे लामो समय देखि होटल कोहिनुरमै कोठा लिएर बसेको र सोही होटलमै खाना खाने गरेता पनि आज सम्मको कारोवार नमिलाइ फर्जी चेक दिएर फरार भएको होटलका संचालक सुवास शर्मा बताउछन । संचालक शर्माका अनुसार फरार रहेका लुम बहादुर घिमिरेले खाली रहेको अकाउन्टको ५० हजारको चेक काटेर दिएको र अरु पैसा छोरा सँग नगद मगाएर दिने भन्ने सल्लाहमा बेलुका बसेर हिसाब गरौंला भनेर बाहिर निस्किएका घिमिरे १ हप्ता देखि फरार रहेको उनी बताउछन । दिईएको ५० हजारको चेक त छ तर त्यो चेक साट्न जाँदा बैकमा पैसा नै नरहेको भनी फिर्ता भएको होटल संचालकले बताए । 
होटल संचालकले मिडिया सँग फरार रहेका घिमिरे कोरिया जाने भन्दै लामो समय देखि होटलमै बस्दै आएका थिए । बिहान एमबिसि जाने भन्दै बाहिर निस्कन्थे बेलुका होटल आउथे उधारोमै खान्थे रमाउथे । घिमिरेले आफू बस्ने कोठामा कोरिया जाने टिम हो भन्दै अन्य ब्यक्तिहरु पनि ल्याउथे तर हामिले साथी होला भनेर सोधपुछ केही गरेनौ ।
अहिले लुम बहादुर घिमिरे फरार रहेको सुचना पाए सँगै तिनै उनको रुममा आउने गरेका साथिहरु हाम्रो पनि पैसा खाएर भागेको छ भन्दै आउछन , उनको खोजी गरि सबैको रकम उठाईदिन कानुनी प्रक्रीयामा समेत गएको संचालक शर्मा बताउछन ।
