देवचुली मा.वि.मा १४ औं देवचुली नगर स्तरीय राष्ट्रपति रनिङ्ग शिल्ड प्रतियोगिता आज बाट सुरु

Share on facebook
Share on twitter
Share on linkedin
Share on pinterest

देवचुली। देवचुली मा.वि.मा १४ औं देवचुली नगर स्तरीय राष्ट्रपति रनिङ्ग शिल्ड प्रतियोगिता आज बाट सुरु भएको छ । उक्त प्रतियोगितामा देवचुली नगरपालिकाका नगर प्रमुख हरि प्रसाद न्यौपानेको प्रमुख आतिथ्यता रहेको थियो । देवचुली नगरपालिकाको आयोजना र देवचुली मा. वि. को सह–आयोजनामा उक्त प्रतियोगिता सुरु भएको हो ।

प्रतियोगिता आजबाट सुरु भई कार्तिक ६ गते समापन हुने भएको छ । राष्ट्रपति रनिङ्ग शिल्ड प्रतियोगिता अन्तर्गत देवचुली नगरपालिका भित्रका १२ वटा सामुदायिक तथा संस्थागत विद्यालयका विद्यार्थीहरुको सहभागिता रहने भएको छ ।

कार्यक्रममा बोल्दै प्रमुख अतिथी रहनुभएका नगर प्रमुख हरि प्रसाद न्यौपानेले बालबालिकाको जीवनमा खेल आवश्यक रहेकाले आगामी दिनमा नगरपालिकाले खेललाई बढि प्राथमिकतामा राखेर विभिन्न कार्यक्रमहरु ल्याउने बताउनुभएको थियो ।

उहाँले विभिन्न विद्यालयबाट प्रतिनिधित्व गर्दै आएका विद्यार्थीहरुलाई आफ्नो कौशल निर्धक्क भएर देखाउन समेत आग्रह गर्नुभएको थियो । बालबालिकाहरुका निमित्त नगरप्रमुखको ठाउँ बाट के गर्न सकिन्छ सँधै तत्पर रहेको उहाँले बताउनु भयो ।

कार्यक्रममा देवचुली नगरपालिकाका उप–प्रमुख पार्वता तिवारी, देवचुली नगरपालिका शिक्षा शाखा प्रमुख राम प्रसाद शर्मा, देवचुली माध्यमिक विद्यालयका प्रधानाध्यापक नारायण भण्डारी लगायतले शुभकामना मन्तव्य व्यक्त गरेका थिए । कार्यक्रममा विभिन्न विद्यालयका प्रधानाध्यापक, शिक्षकशिक्षिका, विद्यार्थी, जनप्रतिनिधि लगायतको उपस्थिति रहेको थियो ।

कार्यक्रमको अध्यक्षता देवचुली माध्यमिक विद्यालयका व्यवस्थापक अध्यक्ष सुर्य प्रसाद न्यौपानेले गर्नुभएको थियो । खेलकुद विकास समिति देवचुलीका अध्यक्ष सुवास ओझाले स्वागत मन्तव्य राख्नुभएको कार्यक्रमको सहजीकरण विद्यालयका शिक्षक कुल प्रसाद पौडेलले गर्नुभएको थियो । प्रतियोगिता बुधबार बिहान ८ बजे देखि देवचुली मा.विको खेलमैदानमा सुरु हुनेछ ।   भिडियो हेर्न यहाँ क्लिक गर्नुहोस ।  

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...