भारतले आईसीसी टी-२० विश्वकप क्रिकेटको उपाधि जितेको छ । शनिबार सम्पन्न फाइनलमा दक्षिण अफ्रिकालाई स्तब्ध पार्दै भारतले विश्वकपको उपाधि जितेको हो ।
बार्बाडोसस्थित केन्सिङ्टन ओभल स्टेडियममा भारतले दक्षिण अफ्रिकालाई ७ रनले पराजित गरेको हो । यससँगै पहिलो पटक टी-२० विश्वकपको उपाधि जित्ने दक्षिण अफ्रिकाको सपना चकनाचुर बनेको छ ।
भारतीय क्रिकेट टिमका कप्तान रोहित शर्मा र पुर्व कप्तान विराट कोहलीले टी–२० अन्तर्राष्ट्रिय क्रिकेटबाट सन्यासको घोषणा गरेका छन् ।
शनिबार भारतले विश्वकप उपाधि जितेलगत्तै वेस्ट इन्डिजमा रोहित शर्मा र विराट कोहलीले टी–२० अन्तराष्ट्रियबाट बिदा लिएको घोषणा गरेका हुन् ।
