नवलपुर । नवलपुरबाट एसईई दिने ६ हजार १ सय १५ जना विद्यार्थी रहेका थिए । तीमध्ये २ हजार नौ सय ६८ उत्तीर्ण भएका छन् ।
जिल्लामा रहेका १ सय ३९ माध्यमिक विद्यालय मध्ये ८९ सामुदायिक विद्यालय हुन् । नवलपुरको नवजागरण नमुना मावीबाट दुई जना छात्रले ४ जीपीए सहित माध्यामिक शिक्षा परीक्षा (एसईई) उत्तीर्ण गरेका छन ।
मध्यबिन्दू नगरपालिका वडा नम्बर–७ चोरमारास्थित नवजागरण नमूना माविका छात्रद्वय प्रतिक ज्ञवाली र सौगात पोखरेलले ‘फोर जीपीए’ ल्याएर उत्तीर्ण भएका हुन । उक्त विद्यालयबाट १५० जना विद्यार्थी परीक्षामा सहभागी भएकामध्ये प्रतिक र सौगातले चार जीपीए ल्याएका हुन ।
