प्रधानमन्त्री पुष्पकमल दाहाल प्रचण्डले नक्कली भूटानी शरणार्थी प्रकरणमा दोषी कोही नबच्ने र निर्दोष कोही नफस्ने दाबी गरेका छन् ।
आइतबार बसेको प्रतिनिधि सभाको बैठकपछि सञ्चारकर्र्मीसंग कुरा गर्दै प्रधानमन्त्री प्रचण्डले अनुसन्धान र प्रक्रिया अगाडि बढिसकेको बताएका हुन् । ‘शरणार्थी प्रकरणको अनुसन्धान र प्रक्रिया अगाडि बढिरहेको छ, मैले भनेको छु, दोषी कोही बच्न सक्दैन निर्दोष कोही पर्दैनन् । सरकारको त्यही जोड छ । आज उठेको विषयले सरकारको झनै मनोबल बढेको छ ।’ उनले भने।
प्रधानमन्त्री प्रचण्डले कसैले दबाब दिएर कारवाही प्रकृया नरोकिने अडान पनि दोहोर्याए ।
