तनहुँ–१ मा रास्वपाले यसरी भत्कायो कांग्रेस–एमालेको गढ

Share on facebook
Share on twitter
Share on linkedin
Share on pinterest

११ वैशाख, तनहुँ । तनहुँ–१ मा आइतबार भएको उपनिर्वाचनको मतगणना चलिरहेको छ । तर नेपाली कांग्रेसका उम्मेदवार गोविन्द भट्टराईले हार स्वीकार गरिसकेका छन् । राष्ट्रिय स्वतन्त्र पार्टी (रास्वपा) का स्वर्णिम वाग्लेभन्दा १० हजार मतले पछाडि परेपछि उनलेसोमबार साँझ सामाजिक सञ्जाल फेसबकुमार्फत बताएका छन् ।

अर्थात रास्वपाका वाग्लेको जितको घोषणा अब औपचारिकताका लागि मात्र बाँकी छ । किनकी तेस्रो स्थानमा रहेका नेकपा एमालेका सर्वेन्द्र खनाल १६ हजार मतले पछाडि छन् ।

तनहुँ–१ मा रहेका ४२ वटा वडामध्ये सोमबार साँझसम्म ३३ वटाको गणना सकिएको छ भने ९ वटामा बाँकी छ । गणना गर्न बाँकी बन्दीपुर गाउँपालिका र ब्यास नगरपालिकाका वडाहरुमा यही अनुपातमा मत आए वाग्ले १० हजारभन्दा बढी मत अन्तरले विजयी हुने देखिन्छ ।

उपचुनावमा वाग्ले निर्वाचित हुन सक्छन् भन्ने मतदानअघि नै देखिएको थियो । कांग्रेस र एमालेका नेताहरुले पनि अनौपचारिक सम्वादहरुमा यो रास्वपाको लहर आएको स्वीकार गरेका थिए । तर भारी मतान्तरको अनुमान गरेका थिएनन् ।

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...