म चुनाव लड्न गोरखा गएता पनि मेरो मन र चिन्तन चितवनमै छ – प्रचण्ड

Share on facebook
Share on twitter
Share on linkedin
Share on pinterest

चितवन। नेकपा (माओवादी केन्द्र) का अध्यक्ष पुष्पकमल दाहाल प्रचण्डले आफू चुनाव लड्न गोरखा गए पनि चितवनप्रति नै चिन्ता र चासो रहेको बताएका छन् ।

चुनावी सभालाई सम्बोधन गर्न चितवन पुगेका प्रचण्डले शनिबार यस्तो बताएका हुन् ।

‘म चितवनबाट निर्वाचन लड्न गोरखा गए पनि मेरो घर चितवन नै हो र चितवनको विकास निर्माण र समृद्धिमा मेरो चासो र चिन्ता छ । यसर्थ, तपाईंहरूलाई मेरो सहयोग निरन्तर जारी रहनेछ’, प्रचण्डले भने, ‘म चितवनकै हो र यहाँको विकासको हमेसा चिन्ता रहनेछ ।’

त्यस्तै, उनले गोरखा जानुको पछाडि केही कारण रहेको र त्यसलाई बुझिदिन चितवनबासीलाई आग्रह गरे ।

‘म गोरखा जानुको पनि केही अर्थ छ । त्यहाँका जनताको म ऋणी छु । गोरखा जानुको अर्थ मैले चितवन छोडेको होइन’, उनले भने ।

प्रचण्डले चितवन निर्वाचन क्षेत्र नम्बर ३ छोडेर योपटक गोरखा २ बाट उम्मेदवारी दिएका छन् ।

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...