१७ वर्षकी नाबालिग किशोरीमाथि बलात्कार गरेको अभियोग लागेका क्रिकेटर सन्दीप लामिछानेले आफूले अदालतको आदेशको सम्मान गर्ने बताएका छन् ।
उनका कानुन व्यवसायीका अनुसार शुक्रबार अदालतले पुर्पक्षका लागि थुनामा पठाउने निर्णय गरेपछि लामिछानेले यस्तो बताएका हुन् ।
उनका अधिवक्ता मुरारी सापकोटाल थुनछेकको बहसपछि सन्दीपले यस्तो बताएको जानकारी दिएका हुन् ।
शुक्रबार काठमाडौं जिल्ला अदालतले सन्दीप लामिछानेलाई थुनामा पठाउने आदेश दिएको थियो । एक किशोरीले बलात्कारको आरोप लगाउँदै किटानी जाहेरी दिएपछि सन्दीप २० असोजमा त्रिभुवन अन्तर्राष्ट्रिय विमानस्थलबाट पक्राउ परेका थिए ।
उनलाई केन्द्रीय कार्यालय सुन्धारा चलान गरिएको छ ।
