भरतपुर महानगरपालिका प्रमुख रेनु दाहालले नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले चितवन छोड्नु चितवनबासीका लागि दुर्भाग्यपूर्ण भएको बताएकी छिन् ।
मेयर दाहालले मंसिर ४ मा हुने प्रतिनिधि सभा निर्वाचनमा प्रचण्ड चितवन ३ छोडेर गोरखा २ बाट चुनाव लड्ने अवस्था आउनु दु:खद र चितवनबासीका लागि दुर्भाग्यपूर्ण भएको प्रतिक्रिया दिएकी हुन् ।
उनले फेसबुकमा पोस्ट गर्दै भित्री बाहिरी षड्यन्त्रकारीहरुको नियतको कारण यो अवस्था आएको समेत बताएकी छन् । ‘दुखद: चितवनवासीका लागी दुर्भाग्य । स्तब्ध, भित्री बाहिरी षड्यन्त्रकारीहरूको नियत ईतिहासले पक्कै उजागार गर्नेछ’, उनले लेखेकी छन् ।
