देवचुलीमा रजहर जेसिस द्वारा शिरथान कुमार्वती मन्दिर सरसफाई कार्यक्रम सम्पन्न

Share on facebook
Share on twitter
Share on linkedin
Share on pinterest

देवचुली। नवलपुरको देवचुलीमा रजहर जेसिस द्वारा शिरथान कुमार्वती मन्दिर सरसफाई कार्यक्रम सम्पन्न भएको छ । रजहर जेसिसका पुर्व अध्यक्ष समेत रहेका सन्तोष थापाको जन्मदिन पारि देवचुली १६ को जिर्ण अवस्थामा रहेको शिराथान मन्दिरमा सरसफाई कार्यक्रम सम्पन्न गरेको हो । जेसिसले राखेको उक्त कार्यक्रमको प्रमुख अतित्त्थ्यतामा देवचुली नगरपालिका , नगरकार्यपालिका सदस्य तथा देवचुली १६ की वडा सदस्य जानकी गुरौ (लामिछाने ) रहनु भएको थियो भने सोहि कार्यक्रममा संयोजक जेसी शोभा मुखिया रहनुभएको थियो। उक्त कार्यक्रममा शिरथान कुमार्वती माई निर्माण समितिका अध्यक्ष केशवराज थनेतको विषेस अतित्थ्यता रहेको थियो ।

कार्यक्रममा बोल्दै नगरकार्यपालिकाकी सदस्य देवचुली १६ कि वडासदस्य जानकी गुरौ (लामिछाने ) ले यो जिर्ण अवस्थामा रहेको मन्दिरको लागि कार्यपालिकामा समेत पहल गरेको र अवका दिनहरुमा पनि आफ्नो स्थानका सम्पदाहरुको निमित्त पहल गर्न कत्ति नचुक्ने बताउनु भयो । यो शिरथान मन्दिर थारुहरुले मात्र पुजा गर्छन कि भन्ने सोच थियो तर सबै जातिले पुज्ने रहेछन र धर्ममा कोहि भेदहाव नरहन सबैलाई आग्रह समेत गर्नु भएको थियो । त्यस्तै गरि रजहर जेसिस वर्ष २२ का अध्यक्ष इश्वर बहादुर लोहनीले विकास निर्माणका लागि आफ्नो कर्तब्य पुरा गर्न सदा तत्पर रहेको बताउनु भयो । कुमार्वती माईको उक्त मन्दिरमा गरिएको सरसफाई कार्यक्रम मन्दिर निर्माण समितिले फूलपाती नाभित्राउदा सम्म निरन्तर चलिरहने बताउनु भएको थियो ।

सोही कार्यक्रमका लागि बालिका सर्जिट्रेड एण्ड सप्लायर्सका प्रोपाईटर सुरज आचार्य बाट ५० जोर रबर ग्लाब्स र रजहर जेसिसका पुर्व अध्यक्ष जेसी सन्तोष थापा बाट १० जोर कुचो र मन्दिर परिसरमा लगाईने रङ्ग समेत सौजन्य भएको थियो । जेसिसले राखेको उक्त सरसफाई कार्यक्रममा करिव १०० जना स्थानियको उपस्थिती रहेको थियो । कार्यक्रमको सहजिकरण जेसी प्रदिप अधिकारिले गर्नु भएको थियो ।

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...