देवचुली । नवलपुर जिल्लाका विभिन्न स्थामा हरीयाली संस्थाले बृक्षारोपण अभियान संचालन गरेको छ । हरेक बर्ष यस संस्थाले प्रकृति संरक्षण सँग सम्बन्धित रहेर विभिन्न कार्यक्रमहरु संचालन गर्दै आईरहेकोमा यस बर्ष एक व्यक्ति एक बिरुवा रोप्ने अभियान चलाई रहेको छ ।
जिल्लाका विभिन्न सरकारी विद्यालय, संस्थागत विद्यालय, मठ मन्दिर, पार्क, सडक सार्वजनिक, निजी, भुमिहरुमा यो अभियान चलाएको हो । हरेक व्यक्तिले एक एक बिरुवा रोप्यो भने प्रकृति संरक्षणमा ठूलो टेवा पुग्ने हरियाली संस्थाका अध्यक्ष एल.एन. दवाडीले बताउनु भएको छ ।