अर्थ मन्त्रायका सचिव मधुकुमार मरासिनी अनिश्चित समयका लागि बिदामा बसेका छन् ।
बजेट निर्माणमा अनाधिकृत व्यक्तिलाई प्रवेश गराएर निश्चित घरानालाई ब्यापारिक लाभ दिलाएको आरोपमा अर्थमन्त्री जनार्दन शर्मा विवादित बनिरहेकै बेला सचिव मरासिनी बिदामा बसेका हुन् ।
बुधबार बिहान मरासिनीले प्रधानमन्त्री शेरबहादुर देउवा, अर्थमन्त्री जनार्दन शर्मा र मुख्यसचिव शंकरदास वैरागीलाई भेटेर बिदामा बस्ने जानकारी गराएको बताईएको छ । प्रधानमन्त्रीसँगको भेटमा अर्थसचिव मरासिनीले जनार्दन शर्मा मन्त्रीका रुपमा रहुन्जेल आफू मन्त्रालय नफर्किने जनाएको स्रोतले बताएको छ ।
यस विषयमा बुझ्न सम्पर्क गर्न खोज्दा मरासिनीको फोन अफ छ ।
