शैक्षिक संस्थाको सबलीकरणमा नगरको सहयोग रहन्छ : नगर प्रमुख न्यौपाने

Share on facebook
Share on twitter
Share on linkedin
Share on pinterest

राजु चापागाई,देवचुली । देवचुलीका शैक्षिक संस्थाको सबलीकरणमा नगरको सदैव सहयोग रहने देवचुली नगरपालिकाका नगर प्रमुख हरिप्रसाद न्यौपानेले बताउनुभएको छ। नेपाल राष्ट्रिय शिक्षक संगठन देवचुलीको आयोजनामा शनिबार नेपाल नमूना मा वि मा आयोजित दोस्रो नगर परिषद तथा नगर प्रमुख, उप प्रमुख सम्मान कार्यक्रममा सो कुरा बताउनुभएको हो ।

नगरको शिक्षाको स्तर उन्नतिका लागि शिक्षकहरूको महत्त्वपूर्ण भुमिका रहने बताउँदै नगर प्रमुख न्यौपानेले आफ्नो कार्यकालमा शैक्षिक सुधारका लागि आवश्यक पर्ने सहयोगका लागि नगर सदैव तयार रहेको प्रतिबद्धता व्यक्त गर्नुभयो ।

नेपाल राष्ट्रिय शिक्षक संगठन देवचुलीका अध्यक्ष देवेन्द्रमणि त्रिपाठीको अध्यक्षता भएको कार्यक्रममा देवचुली नगरपालिकाका नगर प्रमुख हरिप्रसाद न्यौपानेको प्रमुख आतिथ्यता, नगर उप प्रमुख पार्वता तिवारीको विशिष्ट आतिथ्यता, देवचुली ५ का अध्यक्ष कृष्णप्रसाद सापकोटाको विशेष आतिथ्यता रहेको थियो । त्यस्तै कार्यक्रममा नेपाल राष्ट्रिय शिक्षक संगठन नवलपुरका अध्यक्ष हरिप्रसाद न्यौपाने ,नेपाल राष्ट्रिय शिक्षक संगठन नवलपरासीका पुर्व सचिव खिमानन्द भुसाल, नेपाल राष्ट्रिय शिक्षक संगठन देवचुली नगर ईन्चार्ज अग्निधर भुसालको आतिथ्यता रहेको थियो ।

कार्यक्रमको पहिलो चरणमा देवचुली नगरपालिकाबाट स्थानीय तहको निर्वाचन २०७९ मा विजय हासिल गर्न सफल नगर प्रमुख हरिप्रसाद न्यौपाने , नगर उप प्रमुख पार्वता तिवारी र निवृत शिक्षकबाट वडाध्यक्ष बन्नुभएका देवचुली ५ का अध्यक्ष कृष्णप्रसाद सापकोटालाई सम्मान गरिएको थियो ।त्यस्तै नगर उपप्रमुख,नेपाल राष्ट्रिय शिक्षक संगठन नवलपुर अध्यक्ष हरिप्रसाद न्यौपाने , नेपाल राष्ट्रिय शिक्षक संगठन नवलपरासीका पुर्व सचिव खिमानन्द भुसाल ,नगर ईन्चार्ज अग्निधर भुसालले दोस्रो नगर परिषदको सफलताको शुभकामना मन्तव्य व्यक्त गर्नुभएको थियो।  कार्यक्रमको दोस्रो चरणमा नेपाल राष्ट्रिय शिक्षक संगठन देवचुलीका सचिव हेराबहादुर खत्रीले वार्षिक प्रतिवेदन वाचन गर्दै कार्यक्रमको बारेमा जानकारी गराउनुभएको थियो भने नगर कोषाध्यक्ष डोलराज सापकोटाले आर्थिक प्रतिवेदन पेश गर्नुभएको थियो । सो भेलामा उपस्थित सबैले ताली बजाएर दुवै प्रतिवेदन पास गरेका थिए। कार्यक्रममा नेपाल राष्ट्रिय शिक्षक संगठन देवचुलीमा आवद्ध शिक्षकहरूको सहभागिता रहेको थियो ।सो कार्यक्रमको सहजीकरण सकुन्तला लम्सालले गर्नुभएको थियो ।

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...