लोकनाथ पंगेनि, कावासोती। नवलपुरको कावासोती नगरपालिका ३ मा समता शिक्षा निकेतनको २५ कोठे नयाँ विद्यालय भवन निर्माणका लागि सहयोग रकम जुट्न थालेको छ ।
रु.७० लाखको लागतमा निर्माण सम्पन्न हुने उक्त विद्यालय भवन आगामी दुई वर्षभित्रमा तयार गरिने भएको हो । उक्त विद्यालय हाल कावासोती–२ मा बासद्धारा निर्मित भवनमा सञ्चालनमा रहेको छ ।
समता शिक्षा निकेतन गुठीले विगत २१ वर्षदेखि देशका सबै जिल्लामा मासिक रु १०० मा अङ्ग्रेजी माध्यममा विद्यार्थीलाई पढाउँदै आएको छ ।
कक्षा १२ सम्म अध्ययापन गराइने उक्त विद्यालयमा हाल ८ सय ९६ विद्यार्थीहरु अध्ययनरत रहेका छन् भने अब नया भवनको निर्माण पछि १ हजार विद्यार्थीहरुलाई अध्ययापन गराउने विद्यालयको लक्ष्य रहेको विद्यालयका प्रधानाध्यापक महेश भुर्तेलले बताउनु भयो ।
२५ कोठे नयाँ विद्यालय भवन निर्माणका लागि यसै बिद्यालय बाट २०६९ सालमा एस ई ई दिएका पूर्व विद्यार्थी राजेन्द्र गौडेलले नगत रु ५१ ह्जारका साथै ३० बोरा सिमेन्ट सहयोग गर्नुभएको छ ।
गौडेलले मिडिया सँग कुरा गर्दै समता शिक्षा निकेतन सबैको साझा संस्था भएकोले हामी सबै मिलेर २५ कोठे नयाँ विद्यालयको भवन निर्माणको काममा सहयोग गर्नु पर्ने र सबै पूर्व विध्यार्थीहरुलाई सहयोग गर्न समेत अनुरोध गर्नु भएको छ ।
त्यस्तै भवन निर्माणका लागि विभिन्न संघ संस्था बाट सहयोग आउन थालेको छ । यसै बिच युरो एसिया एच आर सलुसन प्रा.लि. का प्रबन्धक समेत रहनुभएका नारायण भुसालले रु ५० हजार सहयोग गर्नुभएको छ ।
समता शिक्षा निकेतनका कावासोतीका प्रधानाध्यापक महेश भुर्तेलले २५ कोठे नयाँ विद्यालय भवन निर्माणका लागि सबै सरोकारवालाहरुलाई अपिल समेत गर्नुभएको छ ।
