जनकपुरधााम- सिरहाको गोलबजारमा इनार भित्र एक व्यक्तिको साईकल सहित शब फेला परेकाे छ।
फेला परेको शव गोलबजार नगरपालिका २ टुड्कीया निवासी ज्ञानचन्द्र भनेर चिनिने बिष्णुदेव साहको रहेको प्रहरीले जनाएको छ ।
४८ बर्षीय साह श्रीमतिको औषधी लिन मंगलबार अहपरान्ह घरबाट निस्केका थिए । तर औषधी लिएर अबेर राती सम्म नफर्के पछि खोजतलास सुरु गरिएको थियो । र साहको शब आज विहान गाउँकै इनारभित्र फेला पर्यो ।
श्रीमती शिवोदेवी साहको अनुसार तुरुन्तै फर्कि हाल्छु भन्दै साइकलमा गएका उनी राती अबेलासम्म पनि नफर्किएपछि खोजतलाश सुरु गरिएको थियो । तर आज विहान गाउँ नजिकैको इनारभित्र साईकल सहित उहाँको शब फेला पर्यो ।
शब इनारभित्रबाट बाहिर निकाल्ने प्रयास भईरहेको जिल्ला प्रहरी कार्यालय सिरहाका सूचना अधिकारी डीएसपी सुभाष बुढाथोकीेले जानकारी दिए। उनले घटना बारे थप अनुसन्धान भईरहेको जनाए ।
मृतकका श्रीमती शिवोदेवी साहले रिसीईबीका कारण हत्या गरिएको बताईन्। उनले गाउँकै केही व्यक्तिले बाटो बनाउने विवादमा ज्यान मार्ने धम्की दिएको बताइन्।
साह एक महिना अघिमात्र वैदेशिक रोजगरीबाट घर फर्केका थिए। गाउँमा आरसीसी ढलान गर्ने विषयमा उनीसंग केहि स्थानीयको विवादभएको थियो ।
