४७ करोडमा बाह्रकोल सम्म जोड्ने बाटो कालोपत्रे हुँदै, मन्त्री डोबाटे बिश्वकर्मा द्वारा बाटोको शिलान्यास

Share on facebook
Share on twitter
Share on linkedin
Share on pinterest

पूर्वी नवलपरासी, रजहर। देवचुली नगरपालिकाको १७ नम्बर वडाको पचाह कुलो (भाटभटेनी ) देखि माथिल्लो बाह्रकोल, बेलस्वरा सम्मको कालोपत्रे निर्माणाधीनको लागि समाधान लिडरसिप संस्था द्वारा आज शिलान्यास भएको छ । शिलान्यास कार्यक्रममा गण्डकी प्रदेश पोखरा आन्तरिक मामिला मन्त्रालयका माननीय मन्त्री डोबाटे बिश्वकर्माको प्रमुख आतिथ्यतामा उक्त सडकको शिलान्यास गरिएको हो ।

उक्त बाह्रकोल जोड्ने कालोपत्रे सडकखण्ड समाधान लिडरसिप संस्था मार्फत रु ४७ करोड ७७ लाख लागतमा निर्माण गर्न लागिएको हो । कार्यक्रममा पुर्व सांसद/ नेपाली कांग्रेसका जिल्ला सभापति महेन्द्र ध्वज जिसि , देवचुलीका नगरप्रमुख हरि प्रसाद न्यौपाने , उपप्रमुख पार्वता तिवारी साथै देवचुली १६ का वडा अध्यक्ष केशव राज गौतम , १७ का वडा अध्यक्ष गणेश शर्मा चालिसे (दिपक ) ,  चौतारी सामुदायिक वन उपभोक्ता समुहका अध्यक्ष लोकनाथ अर्याल , बाह्रकोल सामुदायिक वन उपभोक्ता समुहका अध्यक्ष सुर्य बहादुर पाटा , स्थानीय आमा समुहका अध्यक्षहरु , समाधान लिडरसिपका लिडर रुपा सोमै , बिपिन खेतान , दिनेश त्रिपाठी , सुजित झा , बिकास अधिकारि , माधव प्रसाद खतिवडा संगै जनप्रतीनिधीहरुको सहभागिता रहेको थियो।

यस शिलान्यास कार्यक्रममा बोल्दै समाधान संस्थाकी लिडर रुपा सोमैले आफुले आजसम्म बाह्याक्षेत्रमा सेवा र सहयोग गर्दै आएकोमा आज आफ्नै जन्मठाउँमा सहयोग गर्न पाउँदा खुसि रहेको बताउनु भयो। अवको समय देखी करिव करिव २ महिना भित्र अवलोकन कार्य सकी छिटै कालोपत्रे बनाउने उहाँले बताउनु भयो ।  उहाँले उक्त सडक निर्माणका लागि देवचुली नगरपालिकाका निवर्तमान नगरप्रमुख पूर्णकुमार श्रेष्ठ सँग सहमति लिएको र अवका दिनमा नवनिर्मित मेयर उपमेयर साथै सम्बन्धित वडाध्यक्षहरुको सहकार्यको अपेक्षा राखेको उहाँले बताउनु भएको थियो ।

कार्यक्रममा बोल्दै माननीय मन्त्री बिश्वकर्माले सकारात्मक कार्य र बिकाशको लागि स्थानीय क्षेत्रबाट सबैले साथ दिन नगरप्रमुख र वडाध्यक्षहरुलाई अनुरोध गर्नुभएको थियो । यस कार्यक्रमको सहजीकरण पावल सोमै मगरले गर्नुभएको थियो ।

यो खबर पढेर तपाईलाई कस्तो महसुस भयो ?🤔

Leave a Reply

Your email address will not be published. Required fields are marked *

सम्बन्धित समाचार

खोजि गर्नुहोस ...