विपन्न वर्गका नागरिकका घरमा विद्युत् मिटर निशुःल्क जडान गरिने भएको छ । विपन्न नागरिकलाई सहुलियत प्रदान गर्न सरकारले यो नीति लिएको हो ।
विद्युत् खपत बढाउन महसुल पुनरवलोकनसमेत गरिने भएको छ । सरकारले यसअघि विपन्न वर्गका नागरिकलाई २० युनिटसम्म विद्युतको महसुल छुट गरिदिएको छ ।
ऊर्जामन्त्री पम्फा भुसालले लोक कल्याणकारी राज्यको प्रत्याभूति जनतालाई दिलाउन उक्त नीति लिएको यसअघि बताएकी थिइन् ।
यस पटक भने सरकारले मिटर जडान निःशुल्कसँगै महसुल पनि पुनरवलोकन गर्ने नीति लिने भएको हो ।
