चितवन। माडीमा यात्रु बोकेको बस अनियन्त्रित भइ नालामा पस्दा ६ जना घाइते भएका छन्। मंगलबार दिउँसो माडी ७ कृतनपुर स्थित बगईबाट नारायणगढ तर्फ जादैँ गरेको लु २ ख ६ नं.को बसको स्प्रीङ पट्टा भाँचिएपछि बस अनियन्त्रित भई सडकको दाईने पट्टीको नालामा खसेको जिल्ला प्रहरी कार्यालय चितवनले जनाएको हो।
घाइते हुनेमा माडी ७ देबेन्द्रपुर बस्ने १४ वर्षीया समिक्षा काफ्ले खुट्टा, ३४ वर्षीया राधिका काफ्ले हात,माडी ९ बस्ने गणेशकूञ्ज बस्ने २८ वर्षीया लक्ष्मी थापा र उनकी छोरी ९ वर्षीया बिपना थापाको बघौडा अस्पतालमा उपचार भईरहेको छ भने माडी ६ स्याऊलिबास बस्ने ९ वर्षीया पार्वती सुबेदी र कृतनपुर बस्ने ६६ वर्षीया पुर्णकला अधिकारीको स्थानिय मेडिकलमा उपचार भईरहेको प्रहरीले जनाएको छ ।
