आगामी बैशाख ३० गते हुन गइरहेको स्थानीय तहको निर्वाचनको लागि नेपाली काँग्रेस देवचुली वडा नं १ ले उम्मेदवार टुङ्गो लगाएको छ । बुधबार बसेको भेलाले देवचुली वडा नं १ को वडाध्यक्ष र सदस्य पदका लागि ४ जना उम्मेदवारहरुको नाम घोषणा गरेको हो ।
नेपाली काँग्रेस देवचुली वडा नं १ को वडाध्यक्ष पदका लागि अनिल बस्ताकोटीलाई उम्मेदवारको रुपमा खडा गरिएको छ । यसैगरि पुरुष वडासदस्य तर्फ दल बहादुर चौधरी, रोशन पौडेल, महिला वडासदस्य तर्फ सविना माझी पङ्गेनीको उम्मेदवारी रहेको छ । नेपाली काँग्रेसबाट देवचुली नगरपालिका भित्र वडा नं १ ले पहिलो उम्मेदवारी घोषणा गरेको हो ।
