सुरेश भट्ट आश्रिन
नेपाली समाज होक्काइडाे जापानको आयोजनामा बृहत् सांस्कृतिक तिज धमाका आयोजना हुने भएको छ । महिला दिदिबहिनीहरूको महान् पर्व हरितालिका तिजको अवसर पारेर नेपाली समाज होक्काइडाे जापानले भोलि ”तिज धमका”कार्यक्रम आयोजना गर्न लागिएको होक्काइडाे स्थित नेपाली समाजका अध्यक्ष राजन गिरिले जानकारी दिए ।
उक्त कार्यक्रममा साङ्गीतिक प्रस्तुति दिन पछिल्लो समयकी व्यस्त तथा चिरपरिचित लोक तथा दोहोरी गायिका समीक्षा अधिकारी होक्काइडाे पुगिसकेकी र उनको प्रस्तुतिमा युवराज आचार्यले साथ दिने कार्यक्रम सन्चालिका चाहना पुरीले जानकारी दिएकी हुन् ।
भोलि सेप्टेम्बर- २ सोमबार कडेरु सभाहलमा उपस्थित हुन होक्काइडाेमा रहेका महिला दिदिबहिनीहरुलाई आयोजक संस्थाले हार्दिक आह्वान गरेको छ ।
